नाउपाभित्रको विवाद चरमचुलीमा
काठमाडौं । नागरिक उन्मुक्ति पार्टी (नाउपा) को विवाद नरोकिने संकेत देखिएको छ। पछिल्लो पटक पार्टी अध्यक्ष रन्जिता श्रेष्ठले पार्टीको गण्डकी प्रदेश अध्यक्ष राजन गुरुङ र बागमती प्रदेश अध्यक्ष दीपबहादुर योञ्जन तामाङलाई पार्टीबाट निष्काशन गरेपछि विवाद बढेको छ। अध्यक्ष श्रेष्ठले पत्र लेख्दै संस्थागत केन्द्रीय सदस्यहरुलाई कुटपिटमा संलग्न भएको भन्दै पार्टीबाट निष्काशन गरेकी हुन्।
सुदूरपश्चिम प्रदेशमा सरकारमा सहभागी हुने विषयमा विवाद हुदा संरक्षक रेशम चौधरी र अध्यक्ष रन्जिताबीचको विवाद अब चरमचुलीमा पुगेको छ । अध्यक्ष रन्जिता केन्द्रदेखि प्रदेशसम्म नयाँ सत्ता गठबन्धनको पक्षमा लाग्दै आएकी छन् भने संरक्षक चौधरी भने त्यसको विपक्षमा रहेका छन्। श्रीमान श्रीमतीसमेत रहेका रेशम र रन्जिताबीच विवाद बढिरहेका बेला रेशम पक्षले चैत २३ र २४ गतेका लागि संस्थापक केन्द्रीय समिति बैठक बोलाएका छन्।
