छोरीलाई बलात्कार गरेको आरोपमा बाबु पक्राउ
रफत न्युज २७ फागुन २०८० १७:५०
काठमाडौं । अछाम जिल्लामा छोरीलाई बलात्कार गरेको आरोपमा बाबु पक्राउ परेका छन् । मंगलसेन नगरपालिका निवासी अन्दाजी ३५ वर्षीय युवकले छोरीलाई बलात्कार गरेको भन्दै उजुरी परेपछि उनलाई प्रहरीले पक्राउ गरेको हो ।
घरमा एक्लै भएको बेलामा छोरीलाई बलात्कार गरेको पीडितको आमाले देखेपछि घटना बाहिर आएको अछाम प्रहरीका सूचना अधिकारी प्रहरी निरीक्षक राजेन्द्र साउदले बताए ।
आरोपितलाई घरबाट पक्राउ गरी अदालतबाट म्याद थप भई अनुसन्धान भइरहेको छ । बालिकाको जिल्ला अस्पताल अछाममा स्वास्थ्य परीक्षणपछि प्रहरीको निगरानीमा रहने गरी आमाको जिम्मा लगाइएको छ ।
प्रतिक्रिया
