काठमाडौं । त्रिकोणात्मक टी–२० अन्तर्राष्ट्रिय क्रिकेट श्रृंखलामा आज नेपालले नेदरल्यान्ड्सको सामना गर्नेछ । नामिबियासँग हिजो पराजित भएको नेपाल आज पहिलो जितको खोजीमा मैदान उत्रन लागेको हो ।

खेल कीर्तिपुरस्थित त्रिवि क्रिकेट मैदानमा बिहान साढे ११ बजे हुनेछ । नेपालले अर्को खेल फागुन १८ गते नामिबिया र १९ गते नेदरल्यान्ड्ससँग खेल्नेछ । श्रृंखलाको लिग चरणबाट शीर्ष दुई टोली उपाधिका लागि फाइनलमा भिड्नेछन् । फाइनल खेल फागुन २२ गते हुनेछ । पहिलो खेलमा हिजो नामिबियाले घरेलु टोली नेपाललाई २० रनले हराएको थियो । टस जितेर पहिले ब्याटिङ गरेको नामिबियाले निर्धारित ओभरमा चार विकेट गुमाएर २ सय ६ रन बनाएको थियो ।