काठमाडौं । अखिल क्रान्तिकारीकी अध्यक्ष पञ्चा सिंहसहित ६ जनालाई पक्राउ गर्न अदालतले अनुमति दिएको छ । कालीकोटका १७ वर्षीय राजबहादुर मल्लको हत्या गरेको आरोपमा सुर्खेत जिल्ला अदालतले शुक्रबार पञ्चासहित ६ जनालाई पक्राउ गर्न अनुमति दिएको हो ।

१५ वर्षअघि राजबहादुरको हत्या गरेको आरोप उनीहरुमाथि छ । सुर्खेतको जनमाविमा अध्ययनरत् राजबहादुरको २०६५ फागुन २६ गते साँझ खुकुरी हानेर हत्या गरिएको थियो । हत्यालगत्तै मृतकका काका नवराजले पदमबहादुर रावत ‘टाइगर’ विरुद्ध किटानी जाहेरी दिएकोमा बुबाले १४ वर्षपछि २०७९ साउन ३ गते पूरक जाहेरी दिएका थिए ।