मौसमविद् अधिकारीका अनुसार बिहान ९ बजेदेखि भने घाम लाग्ने र हुस्सु हट्दै जाने सम्भावना छ। यतिबेला काठमाडौं उपत्यकाको मौसम आंशिक बदलीको अवस्थामा रहेको मौसमविद् अधिकारीले बताए। ‘माथि-माथि अलि-अलि बादल लागेको छ, तर यो पानी पार्ने खालको बादल होइन’, उनले भने, ‘आज दिनभर काठमाडौं उपत्यकाको मौसम आंशिक बदलीकै अवस्थामा रहने अनुमान छ।’ मौसम आंशिक बदली हुँदा घाम लाग्छ।

हाल नेपालमा पश्चिमी वायुको आंशिक प्रभाव रहेको छ। जसको प्रभावस्वरुप यतिबेला लुम्बिनी, कर्णाली र सुदूरपश्चिम प्रदेशमा आंशिक बदलीको अवस्था छ भने तराईका थोरै स्थानमा हुस्सु र कुहिरो लागेको छ। बाँकी प्रदेशको मौसम भने यतिबेला सामान्यतया सफा रहेको मौसम पूर्वानुमान महाशाखाले जनाएको छ।

शनिबार भने कोशी, मधेश, बागमती, गण्डकी र लुम्बिनी प्रदेशमा आंशिक बदली हुने छ। तर, अबको तीन दिनसम्म कतै वर्षा र हिमपातको सम्भावना भने देखिएको छैन। महाशाखाका अनुसार देशभरिको तापक्रम घट्ने क्रममा छ। सबैतिर तापक्रम घटेर चिसो बढ्ने भएकाले त्यसबाट बच्नको लागि आवश्यक सतर्कता अपनाउन पनि महाशाखाले सबैमा अनुरोध गरे