“मलाई लाग्यो उनको मृत्यु भयो। मलाई अब हामी उनलाई भेटाउँदैनौँ भन्ने लागेको थियो। तर उनी भगवानको कृपाले हामीसँगै छन्।” मुरकी बहिनी क्याटलिन मुरले उनीहरूको कार र घरलाई टोर्नेडोले पूर्ण रूपमा नष्ट गरिदिएपछि एउटा सहयोग अभियान थालेकी छन्। क्याटलिनका अनुसार मुर र उनका छोराहरूमा सामान्य खत र चोट छ भने उनका प्रेमीको हात र कुहिना भाँचिएको छ। गोफन्डमीमा राखिएको विवरण अनुसार लर्डलाई रुखमा बिस्तारै अड्याइएको जस्तो देखिन्थ्यो। “यस्तो लाग्थ्यो कि उनलाई एक जना परीले त्यो ठाउँमा पुर्‍याएकी थिइन्।” मुरले भनिन्, “म मेरो बच्चाहरूका लागि ज्यान दिनसक्छु। मेरा प्रेमीले पनि त्यसै गर्नसक्छन्। त्यसमा कुनै शंका छैन।” (तस्बिर, समाचार बीबीसी नेपालीबाट साभार)