काठमाडौं । नेपाली कांग्रेस कोशी प्रदेशका संसदीय दलका नेता उद्धव थापाले दलको नेताबाट राजीनामा दिने भएका छन् ।  प्रदेश संसदीय दलको बैठकमा उनले शनिबार राजीनामा दिने बताएका हुन् । पत्रकार सम्मेलन गरी यसबारे जानकारी दिने तयारी गरेका छन् ।

नेपाली कांग्रेस शेखर कोइराला पक्षका केदार कार्की शनिबार मुख्यमन्त्री बनेपछि नैतिकताको कारण देखाएर उनले राजीनामा दिन लागेका हुन् । थापा कोशी प्रदेशमा दुई पटक मुख्यमन्त्री भएका थिए । उनलाई दुई पटक नै अदालतले पदच्युत गरेको थियो ।