भारतको विजयी सुरुवात
रफत न्युज ४ असोज २०८० १८:१७
काठमाडौं । १९ वर्षमुनिकाे साफ च्याम्पियनसिपमा भारतले विजयी सुरुवात गरेकाे छ । आज बिहीबार त्रिपुरेश्वरकाे दशरथ रङ्गशालामा भएकाे खेलमा भारतले बङ्गलादेशलाई ३–० गाेलले हरायाे ।
पहिलाे हाफमा २ गाेल गरेकाे भारतले दाेस्राे हाफमा १ गाेल थप्याे । भारतका लागि गुग्मसार गोयरी, नओबा मेइतेई र र अर्जुन ओइनामले १/१ गाेल गरे । याे जितसँगै समूह ‘बी’ मा रहेकाे भारतले ३ अङ्क जाेडेकाे छ । याे समूहमा भारत, बङ्गलादेश र भुटान छन् ।
प्रतियोगिताको दोस्रो खेलमा आजै बेलुकी घरेलु टोली नेपाल र पाकिस्तानबीच प्रतिस्पर्धा हुँदैछ । याे समूहमा नेपाल, पाकिस्तान र माल्दिभ्स छन् । २ वटा समूहका शीर्ष २ टोली सेमिफाइनलमा पुग्नेछन् ।
प्रतिक्रिया
