एसी मिलान लगातार दोस्रो जितसँगै शीर्ष स्थानमा
काठमाडौं । एसी मिलानले इटालियन सिरी ए मा लगातार दोस्रो जित निकालेको छ ।
शनिबार राति दोस्रो चरणमा टोरिनोलाई ४–१ ले हराउँदै टोली शीर्षस्थानमा यथावत रहेको हो ।
घरेलु मैदान सान सिरोमा मिलानलाई जित दिलाउन क्रिष्टियन पुलिसिकले पहिलो गोल गरे ।
३३ औं मिनेटमा उनले रुवेनको पास सदुपयोग गरेका हुन् ।
तीन मिनेटपछि नै टोरिनोले बराबरी गोल फर्कायो । पर स्चर्सले गोल गर्दै खेल १–१ मा पुर्याएका थिए ।
आफैलाई लडाएपछि पाएको पेनाल्टी सदुपयोग गर्दै ओलिभियर जिराउडले अग्रता २–१ को बनाए ।
थियो होर्नान्डेजले इन्जुरी समयमा गोल गर्दै पहिलो हाफमा घरेलु टोलीलाई ३–१ को अग्रता बनाएका थिए ।
६५औं मिनेटमा राफेल लिओलाई लडाएपछि पाएको पेनाल्टी सदुपयोग गर्दै जिराउडले टोलीलाई सहज जित दिलाएका हुन् । मिलानले पहिलो खेलमा बोलोग्नालाई २–० ले हराएको थियो ।
राति नै भएको खेलमा रोमा १० खेलाडीमा सिमित भेरोनासँग २–१ र इम्पोली मोन्जासँग २–१ ले पराजित भएका छन् । रोमाको दुई खेलबाट जम्मा एक अंक छ ।
