काठमाडौं ।  कोशी प्रदेशका मुख्यमन्त्री उध्दव थापाले भदौ ३ गते विश्वासको मत लिने समय निर्धारण गर्दै संसद सचिवालयमा निवेदन दिएका छन्।

“नेपालको संविधानको धारा १६८ को उपधारा २ बमोजिम नियुक्त मुख्यमन्त्री उद्धव थापाले धारा १६८ को उपधारा ४ बमोजिम कोशी प्रदेश सभाबाट विश्वासको मत चाहेकोले मिति २०८०- ०५- ०३ गतेको कार्यसूचीमा समावेश गर्ने गरी प्रदेशसभा २०७४ पहिलो संशोधन सहित को नियम २ को उपनियम १ र २ बमोजिम विश्वासको मत प्राप्त गर्ने प्रस्तावसम्बन्धी सूचना दिएको छु”, थापाले दिएको निवेदनमा उल्लेख छ।

थापाले आज अपरान्ह सचिवालयमा निवेदन दिएका हुन्। थापा गत साउन १६ गते मुख्यमन्त्रीमा नियुक्त भएका हुन्।