सुन तस्करी प्रकरण : थप दुई चिनियाँ पक्राउ
रफत न्युज १ भदौ २०८० ११:२३
काठमाडौं । सुन तस्करीको अभियोगमा प्रहरीले थप दुई चिनियाँ पक्राउ गरेको छ । नेपाल प्रहरीको केन्द्रीय अनुसन्धान ब्युरो (सिआइबी ) ले उनीहरूलाई बिहीबार राति पक्राउ गरेको हो ।
प्रहरी प्रवक्ता तथा प्रहरी नायब महानिरीक्षक कुवेर कडायतका अनुसार पक्राउ परेकाहरुबारे अनुसन्धान भइरहेको छ । प्रहरीले उनीहरूको नाम सार्वजनिक गरेको छैन । दुवै जनालाई काठमाडौंबाटै पक्राउ गरिएको प्रहरीले जनाएको छ ।
गत साउन ३१ गते पनि ब्युरोको टोलीले चार चिनियाँ पक्राउ गरेको थियो । पक्राउ परेकामाथि अवैध सुन ओसारपसार तथा सङ्गठित अपराधअन्तर्गत मुद्दा चलाइएको छ । सुन तस्करी प्रकरणमा हालसम्म पक्राउ पर्नेको सङ्ख्या २३ जना पुगेको प्रवक्ता कडायतले बताए ।
प्रतिक्रिया
