रोनाल्डो अनुपस्थित खेलमा अल नासरको हार
रफत न्युज ३० साउन २०८० १०:१३
काठमाडौं । केही दिन अघि मात्र अरब क्लब कपको उपाधि जितेको अल नासरले साउदी प्रो लिगको पहिलो खेलमा हार बेहोरेको छ ।
सोमबार राती भएको खेलमा अल इतिफकले अल नासरलाई २-१ ले पराजित गरेको हो ।
नियमित कप्तान क्रिस्टियानो रोनाल्डो अनुपस्थित रहेको खेलमा अल नासरलाई साडियो मानेले अग्रता दिलाएका थिए ।
उनले खेलको चौथो मिनेटमा नै अग्रता दिलाएका थिए । ४७ औं मिनेटमा रोबिन क्वेजनले अल इतिफकका लागि बराबरी गोल फर्काए ।
५३ औं मिनेटमा अल इतिफकका मौसा डेम्बेलेले गोल गर्दै खेल आफ्नो पक्षमा पारेका थिए । एजेन्सी
प्रतिक्रिया
