सीता दाहालको निधनप्रति पूर्वराजा ज्ञानेन्द्रद्वारा दुःख व्यक्त
रफत न्युज २७ असार २०८० १४:५२
काठमाडौँ । पूर्वराजा ज्ञानेन्द्र शाह र उनकी पत्नी कोमल शाहले प्रधानमन्त्री पुष्पकमल दाहालकी पत्नी सीता दाहालको निधनमा शोक व्यक्त गरेका छन्।
सीता दाहालको नर्भिक अस्पतालमा उपचारका क्रममा बुधबार निधन भएको थियो । पूर्वराजारानीका तर्फबाट उनका प्रमुख सचिव पशुपतिभक्त महर्जनले पेरिसडाँडास्थित माओवादी केन्द्रीय कार्यालय पुगेर दुःख व्यक्त गरेका थिए।
महर्जनले माओवादीका महासचिव देव गुरुङलाई भेटेर पूर्वराजारानीको तर्फबाट दुःख र समवेदना व्यक्त गरेका थिए। प्रधानमन्त्री दाहाल भने मन्त्रिपरिषद् बैठकमा सहभागी हुन सिंहदरबारतर्फ गएकाले महर्जनको उनीसँग भेट हुन नसकेको बताइएको छ । ।
प्रतिक्रिया
