फोहोर बोक्ने गाडीमाथि कर लगाइने
काठमाडौं । ककनी गाउँपालिकाले आगामी १ साउनदेखि फोहोर बोकेर बञ्चरेडाँडामा आउने सबै गाडीलाई प्रवेश शुल्क लिने भएको छ ।
गाउँपालिकाका प्रमुख सुमन तामाङका अनुसार गाउँ परिषद्ले फोहोर बोकेर आउने ठूला गाडीका लागि प्रतिगाडी १०० रुपैयाँ र अन्यका लागि १००० रुपैयाँ शुल्क लिने गरी आर्थिक विधेयक २०८० पास गरेको छ ।
यो निर्णयसँगै अब ककनी गाउँपालिका र फोहोरफ्याक्न लाने काठमाडौं उपत्यकाकालगायतका नगरपालिककाबीच द्वन्द्व सिर्जना हुने निश्चित देखिन्छ ।
एक तथ्यांक अनुसार ललितपुर महानगर क्षेत्रबाट १३० मेट्रिक टन फोहोर संकलन गरेर ल्यान्डफिल्ड साइटमा पुर्याउने गरिएको छ । गोकर्णेश्वर नगरबाट दैनिक ६० मेट्रिक टन फोहोर उत्पादन हुन्छ । नागार्जुन, टोखा, तारकेश्वर र बूढानीलकण्ठ नगर क्षेत्र हरेकबाट ३५/३५ मेट्रिक टन फोहोर उत्पादन हुने गरेको छ । चन्द्रागिरि, महालक्ष्मी र मध्यपुर थिमि नगर क्षेत्रबाट दैनिक ३०/३० मेट्रिक टन फोहोर उत्पादन हुन्छ ।
गोदावरी र सूर्यविनायक नगर क्षेत्रबाट २५÷२५ मेट्रिक टन, कागेश्वरी मनोहरा नगर क्षेत्रबाट २० मेट्रिक टन तथा दक्षिणकाली र चाँगुनारायण नगर क्षेत्रबाट १५/१५ मेट्रिक टन फोहोर संकलन हुने गरेको छ । शंखरापुर नगर क्षेत्रमा ८ मेट्रिक टन र सबभन्दा कम कीर्तिपुर नगरमा दैनिक ६ मेट्रिक टन फोहोर उत्पादन हुने गरेको छ ।
