काठमाडौं– सत्ता गठबन्धनका दलहरुले प्रधानमन्त्री पुष्पकमल दाहाल (प्रचण्ड)को राजीनामा माग्ने प्रमुख प्रतिपक्षी दल नेकपा एमालेको कदम असंसदीय रहेको निष्कर्ष निकालेका छन्।

बिहीबार बिहान प्रधानमन्त्रीको सरकारी निवास बालुवाटारमा बसेको सत्ता गठबन्धनका ७ दलका नेताहरुको बैठकले प्रधानमन्त्रीले राजीनामा दिनु नपर्ने र राजीनामा माग गर्नु उपयुक्त नभएको निष्कर्ष निकालेको बैठकमा सहभागी नेकपा एकीकृत समाजवादीका उपाध्यक्ष राजेन्द्र पाण्डेले जानकारी दिए। काठमाडौंमा सोमबार आयोजित एउटा कार्यक्रममा दिएको अभिव्यक्तिलाई लिएर प्रधानमन्त्री प्रचण्ड विवादमा तानिएका छन्।