पेरिसको मध्य भागमा भएको ठूलो विस्फोटमा ३७ जना घाइते
रफत न्युज ७ असार २०८० ८:२९
काठमाडौं । फ्रान्सको राजधानी पेरिसको मध्य भागमा भएको ठूलो विस्फोटमा ३७ जना घाइते भएका छन् ।
अन्तर्राष्ट्रिय सञ्चार माध्यमहरुका अनुसार चार जनाको अवस्था गम्भिर र दुई जना बेपत्ता भएको जनाएको छ ।
पेरिसको मध्य भागमा रहेको एउटा डिजाइन स्कूल र क्याथोलिक शिक्षा प्रणालीको मुख्यालय रहेको भवनमा विस्फोट भएको हो ।
आपतकालीन कामदारहरूले भवनको भग्नावशेषमा खोजी गरिरहेका छन् । प्रत्यक्षदर्शीका अनुसार विस्फोट हुनुअघि ग्यासको गन्ध आएको थियो । चर्चको छेउमा रहेको भवन भित्र विस्फोट भएको सिसिटिभी फुटेजमा देखिएको छ ।
तर, विस्फोटको कारण भने खुल्न नसकेको अधिकारीहरुले बताएका छन् । विष्फोटपछि भवनमा आगो लाग्दा उद्धारकार्यमा कठिनाई भएको बताइएको छ । एजेन्सी
प्रतिक्रिया
