काठमाडौं । पाकिस्तानको गिलगिट–बाल्टिस्तान क्षेत्रमा शनिबार भएको हिमपहिरोमा परी घुमन्ते जनजातिका ११ जनाको मृत्यु भएको छ भने २५ जना घाइते भएका छन् ।

अस्टोर जिल्लाको शोतोर पासको चाम्बेली क्षेत्रमा हिमपहिरो गएको प्रहरीले जनाएको छ । मृत्यु हुनेमा चार महिला र एक चार वर्षीय बालक रहेका छन् । हिमपहिरोपछि स्थानीयको सहयोगमा उद्धार कार्य सुरु गरिएको प्रहरीले जनाएको छ । पाकिस्तानी सेनाका जवानहरू पनि उद्धार कार्यमा सामेल भएका थिए।उद्धार अधिकारीहरूले भनेका छन् कि गुज्जर परिवारका २५ सदस्यहरू आफ्ना गाईवस्तुहरू लिएर पाकिस्तान प्रशासित कश्मीर (पीओके) बाट एस्टोर जाँदै गर्दा उनीहरू हिमपहिरोमा परेका थिए। घाइतेहरुलाई जिल्ला अस्पतालमा भर्ना गरिएको छ भने १२ जनाको अवस्था चिन्ताजनक रहेको छ । (एजेन्सी)