आर्सनलका फरवार्ड बुकायो साकाले क्लबसँगको सम्झौता नवीकरण गरे
रफत न्युज १० जेठ २०८० ६:४०
काठमाडौं । प्रिमियर लिग क्लब आर्सनलका फरवार्ड बुकायो साकाले क्लबसँगको सम्झौता नवीकरण गरेका छन् ।
इंग्ल्यान्डका फरवार्ड साकाले मंगलबार क्लबसँगको सम्झौता नवीकरण गरेका हुन् ।
नयाँ सम्झौतासँगै साका २०२७ सम्म आर्सनलमा रहने छन् ।
इंग्ल्यान्डका २१ वर्षीय फरवार्डको सम्झौता यसै सिजनको अन्त्यमा सकिदै थियो ।
साकाले यस सिजन आर्सनलका लागि १४ गोल र ११ असिस्ट गरेका छन् ।
२१ वर्षीय फरवार्डले आर्सनलका लागि १७८ खेल खेलिसकेका छन् ।
ुम निकै खुशी छु । मलाई लाग्छ मेरो लागि यो उपयुक्त क्लब हो,ु सम्झौतापछि उनले भनेका छन् । एजेन्सी
प्रतिक्रिया
