केरलामा डुंगा दुर्घटना हुँदा २१ जनाको मृत्यु
रफत न्युज २५ वैशाख २०८० ९:०५
काठमाडौं । भारतको केरलामा पर्यटकहरु चढेको डुंगा दुर्घटना हुँदा २१ जनाको मृत्यु भएको छ ।
केरलाको मलप्पुरमको तनुर क्षेत्रमा आइतबार साँझ करिब ४० यात्रु बोकेको डुंगा पल्टिँदा कम्तीमा २१ जनाको मृत्यु भएको हो । यस्तै, ७ जनाको अवस्था गम्भीर छ ।
मृत्यु हुनेमा धेरैजसो बालबालिकाहरु छन् ।
के कारणले डुंगा दुर्घटनाको भएको हो भन्ने खुल्न सकेको छैन ।
प्रधानमन्त्री नरेन्द्र मोदी, गृहमन्त्री अमित शाह र केरलाका मुख्यमन्त्री पिनराई विजयनले घटनाप्रति दुःख व्यक्त गरेका छन् । साथै सरकारले मृतकका परिवारलाई दुई लाख रुपैयाँको दरले राहत उपलब्ध गराउने घोषणा गरेको छ । एजेन्सी
प्रतिक्रिया
