काठमाडौं । दक्षिण भारतीय अभिनेता प्रभास र अभिनेत्री कृति सेनन अभिनित फिल्म ‘आदिपुरुष’ को ट्रेलर मे ९ मा रिलिज हुने भएको छ भने अमेरिकाको न्यूयोर्कमा ट्रिबेका फिल्म फेस्टिभलमा वर्ल्ड प्रिमियर हुने भएको छ ।

हालै प्रभासले सामाजिक सञ्जाल पोस्ट सेयर गर्दै फिल्मको ट्रेलर मे ९ मा विश्वव्यापी रुपमा रिलिज हुने बताएका छन् ।

फिल्मको ट्रेलर भारतबाहेक अमेरिका, क्यानडा, मध्यपूर्व, अष्ट्रेलिया, न्युजिल्यान्ड, सिंगापुर, इन्डोनेसिया, थाइल्याण्ड, मलेसिया, हङकङ, फिलिपिन्स, म्यानमार, श्रीलंका, जापान, अफ्रिका, बेलायत, रुसलगायतमा रिलिज हुनेछ ।

फिल्मको प्रिमियर जुन १३ मा न्युयोर्कमा ट्रिबेका फिल्म फेस्टिभलमा मध्यरातमा हुनेछ । फिल्मलाई फिल्म फेस्टिभलमा मिडनाइट अफरका रूपमा प्रस्तुत गरिने भएको छ । योसँगै फिल्म जुन १६ मा थ्रीडीमा रिलिज हुनेछ ।

‘आदिपुरुष’ फिल्मको कथा रामायणमा आधारित छ भने चलचित्रलाई ओम राउतले निर्देशन गरेका हुन् । फिल्ममा प्रभास भगवान रामको भूमिकामा देखिनेछन् भने कृति माता सीताको भूमिकामा देखिनेछिन् । यससँगै सैफ अली खानले रावणको भूमिका निर्वाह गर्नेछन् ।

यसअघि फिल्म निर्माताले सन् २०२२ मा फिल्मको टिजर रिलिज गरेका थिए । तर, टिजरलाई दर्शकले खासै रुचाएनन् ।

फिल्ममा कृति, प्रभास, सैफको बाहेक अमिताभ बच्चन, काजोल, सन्नी सिंह, कीर्ती सुरेश, सोनल चौहान, वत्सल सेठ र तृप्ती तोरडमलको पनि अभिनय रहेको छ । एजेन्सी