काठमाडौं । भारतीय अभिनेता शाहरुख खान, दीपिका पादुकोण, प्रियंका चोपडा, आलिया भट्ट, ऋतिक रोशन, सलमान खानजस्ता कलाकारहरुको ट्वीटर अकाउन्टमा ब्लु टिक फर्किएको छ ।

भारतीय सञ्चार माध्यमहरुका अनुसार यी सेलिब्रेटीहरूले ट्विटरको ब्लू प्लान किनेका छैनन् । यति हुँदाहुँदै पनि उनीहरूको खातामा ब्लु टिक देखिएको छ ।

अब ट्विटरले घोषणा गरेको छ कि एक मिलियन भन्दा बढी फलोअर भएका खाताहरूले सदस्यता नलिई ब्लु टिक फिर्ता पाउनेछन् । ट्विटरका अनुसार उनीहरूले प्रमाणित प्रयोगकर्ताहरूको पहिचान गर्न र उनीहरूको पहिचान नक्कली वा सक्कली खाताहरूबाट अलग राख्न यो निर्णय गरेको हो ।

वास्तवमा, ट्विटरले अप्रिल २० को मध्यरात १२ बाट आफ्नो प्लेटफर्मबाट प्रमाणित प्रयोगकर्ताहरूको ब्लू टिक हटाएको थियो । ट्वीटरले भनेको थियो कि उनीहरूले ब्लु प्लान नकिन्ने व्यक्तिहरूको खाताबाट मात्र ब्लु टिक हटाएका छौं ।

कम्पनीका मालिक एलोन मस्कले १२ अप्रिलमा नै यसको घोषणा गरेका थिए । उनले भनेका थिए, लिगेसी ब्लू चेकमार्क हटाउने अन्तिम तारिख अप्रिल ४ देखि २० सम्म हो ।

केही सेलिब्रेटीहरूले ब्लु टिक प्राप्त गर्न पहिले नै ब्लू प्लान किनेका थिए । अमिताभ बच्चन, जूनियर एनटीआर, एसएस राजामौलीले ट्विटरको ब्लू प्लान लिएका छन् । कंगना रनोटले गत हप्ता को मात्र ब्लू टिक किनेकी थिइन् ।