आईपीएल – आज दुई खेल हुदै
काठमाडौंँ । इन्डियन प्रिमियर लिग(आईपीएल) क्रिकेटमा आज शनिबार दुई खेल हुदैछ ।
यस संस्करणको ३० औं खेलमा गुजरात टाईटन्स र लखनउ सुपर जायन्ट्सबीच खेल हुदैछ ।
लखनउको घरेलु मैदानमा हुने खेल नेपाली समयअनुसार अपरान्ह पौने ४ बाट सुरु हुनेछ ।
छ खेल खेलेको लखउन शनिबारको खेल जितेर शीर्ष स्थानमा उक्लन चाहन्छ । लखनउले चार खेल जित्दा दुईमा हार व्यहोरेको छ ।
पछिल्लो खेलमा लखनउले शीर्ष स्थानमा रहेको राजस्थान रोयल्सलाई पराजित गरेको थियो ।
गुजरात पाँच खेलमा तीनमा जित तथा दुईमा हार सहित चौथो स्थानमा रहेको छ । गुजरातले पछिल्लो खेलमा राजस्थान रोयल्ससँग हार व्यहोरेको थियो ।
गुजरात र लखनउबीच भएको दुई खेलमा गुजरात अपराजित रहेको छ ।
यस संस्करणमा भने यि दुई टोलीको यो पहिलो खेल हो ।
आज नै हुने दोस्रो खेलमा मुम्बई ईन्डियन्स र पन्जाब किंग्स खेल्दै छन् ।
मुम्बईको घरेलु मैदान वांगखडे स्टेडियममा नेपाली समयअनुसार बेलुका पौने आठबाट खेल सुरु हुनेछ।
छ खेलेको पन्जाबले तीनमा जित तथा तीनमा हार व्यहारेको छ । यस खेलमा जित हात पारेर पन्जाब चौथो जित हात पार्न चाहन्छ ।
पछिल्लो खेलमा पन्जाब रोयल च्यालेन्जर्स बेंग्लोरसँग पराजित भएको थियो ।
पाँच खेलमा तीन जितका साथ छैटौं स्थानमा रहेको मुम्बई लगातार चौथो जित हात पार्न चाहन्छ ।
पछिल्लो खेलमा मुम्बईले सनराईजर्स हैदराबादलाई हराएको थियो ।
मुम्बई पन्जाबबीच भएका पछिल्ला पाँच खेलमा तीन खेल पन्जाबले जित्दा २ खेल मुम्बईले जितेको छ ।
पन्जाबले एक खेल भने दोस्रो सुपर ओभरमा जितेको थियो ।
भारतका विभिन्न शहरमा आयोजना जारी आईपीएल क्रिकेट प्रतियोगितामा १० टोलीहरुको सहभागीता रहेको छ । एजेन्सी
