आराध्या बच्चनको मुद्दाको आज दिल्ली उच्च अदालतमा सुनुवाइ
काठमाडौं । भारतीय अभिनेत्री ऐश्वर्या राय र अभिनेता अभिषेक बच्चनकी छोरी आराध्या बच्चनले केही युट्युब च्यानलविरुद्ध दिल्ली उच्च अदालतमा मुद्दा दायर गरेकी छिन्, जसको सुनुवाई बिहीबार हुने भएको छ ।
भारतीय सञ्चार माध्यमहरुका अनुसार यी युट्युब च्यानलले केही दिनअघि आराध्याको स्वास्थ्यको बारेमा झुटो समाचार प्रसारण गरेका थिए, जहाँ उनको निधन भएको खबर समेत देखाएका थिए ।
आफ्नो याचिकामा आराध्याले यी च्यानल र तिनका सामग्रीमाथि प्रतिबन्ध लगाउन माग गरेकी छिन् । अदालतले बिहीबार नै यस विषयमा सुनुवाइ गर्नेछ ।
आफ्नो नाबालिगलाई उद्धृत गर्दै, आराध्याले यी युट्युब च्यानलहरूबाट आफूमाथि बनाइएका सबै भिडियोहरू हटाउन आदेश दिन अदालतलाई अपिल गरेकी छिन् । उनले गुगल एलएलसी, इलेक्ट्रोनिक्स र सूचना प्रविधि मन्त्रालयलाई पनि याचिकामा विपक्ष बनाएकी छन् ।
बच्चन परिवारले यस विषय बारेमा अहिलेसम्म कुनै बयान भने जारी गरेको छैनन् । एजेन्सी
प्रकाशित मितिः २०८० बैशाख ०७ विहीबार
