आर्सनलसँग लिभरपुलको रोमान्चक बराबरी
काठमाडौं । इंग्लिस प्रिमियर लिग फुटबलमा शीर्ष स्थानको आर्सनल बराबरीमा रोकिएको छ ।
आइतबार राति भएको खेलमा आर्सनलले लिभरपुलसँग २-२ गोलको बराबरी खेलेको हो ।
आर्सनलले दुई गोलको अग्रता जोगाउन नसक्दा लिभरपुलसँग अंक बाड्नु परेको हो ।
आर्सनलका लागि गाब्रियल मार्टिनेली र गाब्रियल जिससले एक एक गोल गरे ।
लिभरपुलका मोहमद सलाह र रोबर्टो फिर्मिन्होले एक एक गोल गरे ।
खेलको आठौं मिनेटमा मार्टिनेलीले गोल गर्दै आर्सनललाई सुरुआती अग्रता दिलाएका थिए ।
२८ औं मिनेटमा जिससले गोल गर्दै आर्सनललाई २-० को अग्रता दिलाए ।
खेलको ४२ औं मिनेटमा सलाहले गोल गर्दै लिभरपुललाई २-१ को स्थितिमा ल्याए ।
खेलको ५४ औं मिनेटमा लिभरपुलका सलाह पेनाल्टीमा गोल गर्न चुके । उनको प्रहार बाहिरिएको थियो ।
तर, खेलको ८७ औं मिनेटमा फिर्मिन्होले गोल गर्दै लिभरपुललाई २-२ गोलको बराबरीमा ल्याए ।
यस बराबरीसँगै आर्सनलले ३० खेलमा ७३ अंक जोडेको छ ।
आर्सनलले लिगमा ६ अंकको अग्रता बनाएको छ ।
लिभरपुल ४४ अंक जोडेर आठौं स्थानमा रहेको छ । एजेन्सी
