भूवनको पौडी खेल्ने क्रममा मृत्यु
रफत न्युज २४ चैत २०७९ ९:०५
सर्लाही । सर्लाहीको ईश्वरपुरमा बुधबार दिउँसो एक्लै साइकल चढेर घरबाट निस्किएका भूवनको पौडी खेल्ने क्रममा मृत्यु भएको छ।
मृत्यु हुनेमा ईश्वरपुर नगरपालिका–३ भक्तिपुरका बलिराम बरहीका १५ वर्षीय छोरा भुवन रहेका छन्। उनको स्थानीय पोखरीमा पौडी खेल्ने क्रममा डुबेर मृत्यु भएको हो।
बुधबारदेखि हराइरहेका किशोरको शव बिहीबार साँझ पोखरीमा डुबेको अवस्थामा फेला परेको जिल्ला प्रहरी कार्यालय सर्लाहीले जनाएको छ।
भूवन रातिसम्म घर नफर्किएपछि अभिभावकले प्रहरीलाई जानकारी गराएका थिए।
प्रतिक्रिया
