काठमाडौं । कोपा इटालिया अन्तर्गत सेमिफाइनलको पहिलो लेगमा इन्टर र युभेन्ट्सले बराबरी खेलेका छन् ।

मंगलबार राति भएको खेलमा इन्टर र युभेन्ट्सले १-१ गोलको बराबरी खेलेका हुन् ।

खेलको ८३ औं मिनेटमा जुवान काउड्राडोले गोल गर्दै युभेन्ट्सलाई सुरुआती अग्रता दिलाएका थिए ।

तर, खेलको इन्जुरी समयमा रोमेलु लुकाकुले पेनाल्टीमार्फत गोल गर्दै इन्टरलाई १-१ गोलको बराबरीमा ल्याए ।

यस्तै खेलको इन्जुरी समयमा युभेन्ट्स १० र इन्टर ९ खेलाडीमा समेटिएको थियो ।

इन्जुरी समयमा युभेन्ट्सका काउड्राडोले रातो कार्ड पाएका थिए ।

यस्तै इन्टरका लुकाकु र समिर हान्डानोभिचले रातो कार्ड पाएका थिए ।

दुई टोलीबीचको दोस्रो लेग अप्रिल २७ मा हुनेछ । एजेन्सी