नापोलीलाई मिलानले हरायो
रफत न्युज २० चैत २०७९ ९:३४
काठमाडौं । इटालियन सिरी ए फुटबलमा एसी मिलानले शीर्ष स्थानको नापोलीलाई हराएको छ ।
आइतबार राति भएको खेलमा मिलानले नापोलीलाई ४-० गोल अन्तरले हराएको हो ।
मिलानलाई जित दिलाउन राफायल लियोले दुई गोल गरे । उनले खेलको १७ र ५९ औं मिनेटमा गोल गरे ।
यस्तै ब्राहिम डियाजले २५ औं र एलेक्सिस सिलेमाकर्सले ६७ औं मिनेटमा गोल गरेका थिए ।
जितसँगै मिलानले २८ खेलमा ५१ अंक जोडेको छ ।
मिलान तेस्रो स्थानमा उक्लिएको छ ।
नापोली ७१ अंक जोडेर शीर्ष स्थानमा यथावत रहेको छ । एजेन्सी
प्रतिक्रिया
