काठमाडौं । चिनियाँ खर्बपति तथा अलिबाबाका सह–संस्थापक ज्याक मा अचानक नेपाल र पाकिस्तान पुगेका थिए । ज्याक माको यो अप्रत्याशित भ्रमणले विश्वभरका विश्लेषकहरू माझ हलचल मच्चाएको छ।

पाकिस्तानी अखबार एक्सप्रेस ट्रिब्युनको रिपोर्टका अनुसार ज्याकको भ्रमण र त्यहाँ हुने कार्यक्रमबारे चिनियाँ दूतावासलाई कुनै जानकारी दिइएको छैन। लगानी बोर्ड (बीओआई) का पूर्वअध्यक्ष मुहम्मद अजफर अहसानले ज्याक माको पाकिस्तान भ्रमणको पुष्टि गरेका थिए । उनले ज्याक २९ जुनमा लाहोर पुगेर २३ घण्टा बसेको बताए । रिपोर्टका अनुसार पाकिस्तान जानुअघि ज्याक मा नेपालको काठमाडौंको द्वारिका होटलमा बसेका थिए । उनले पर्यटनका लागि चर्चित काठमाडौंको ठमेल, तरकारी बजार कालीमाटी बजार र भक्तपुर दरबार स्क्वायरको पनि भ्रमण गरेका थिए ।

मुहम्मद अजफर अहसान नामका एक ट्विटर प्रयोगकर्ताले यी दुवै तस्बिर शेयर गरेका छन् । उनले यी तस्बिर ज्याक माको पाकिस्तान भ्रमणका क्रममा खिचिएको दाबी गरेका छन् । मुहम्मद अजफर अहसान नामका एक ट्विटर प्रयोगकर्ताले यी दुबै तस्बिर शेयर गरेका छन् । उनले यी तस्बिर ज्याक माको पाकिस्तान भ्रमणका क्रममा खिचिएको दावी गरेका छन् । ज्याक मासँगै ७ व्यापारीको प्रतिनिधिमण्डल पनि पाकिस्तान गएको थियो । जसमा पाँच चिनियाँ, एक डेनिस र एक अमेरिकी नागरिक थिए। उनीहरू सबै हङकङको व्यावसायिक उड्डयन क्षेत्रबाट चार्टर्ड उडानमार्फत नेपाल र त्यहाँबाट पाकिस्तान पुगेका थिए ।

ज्याक माको पाकिस्तान भ्रमणको उद्देश्यबारे जानकारी सार्वजनिक गरिएको छैन। द एक्सप्रेस ट्रिब्यूनका अनुसार ज्याक माको पाकिस्तान भ्रमणले आगामी दिनमा सकारात्मक नतिजा ल्याउने अपेक्षा गरिएको छ। सामाजिक सञ्जालमा ज्याकको भ्रमण पाकिस्तानमा व्यापारका अवसरहरू खोज्नको लागि भएको अनुमान गरिएको छ। तर, अहिलेसम्म कुनै पनि व्यापारिक सम्झौता, बैठकको बारेमा जानकारी दिइएको छैन। चिनियाँ सरकारको नीतिको आलोचना गरेपछि ज्याक मा राष्ट्रपति सी जिनपिङको आलोचनामा परेका थिए। ज्याक माको कम्पनी ‘एन्ट ग्रुप’ को विश्वकै ठूलो आईपीओ पनि रोकिएको छ र अर्बौं डलर जरिवाना गरिएको छ । यो घटनापछि मा बेपत्ता भए ।

सन् २०२१ पछि उनी सार्वजनिक रूपमा देखिएनन् । करिब एक वर्षपछि उनी चीन फर्किए । उनी अहिले टोकियो विश्वविद्यालयको टोकियो कलेजमा भिजिटिङ प्रोफेसर छन्। ज्याक माले २०२१ को अन्त्यमा चीन छोडे। त्यसपछि जापान, अष्ट्रेलिया र थाइल्याण्डजस्ता देशबाट उनको तस्बिर सार्वजनिक भएको थियो ।  (एजेन्सी)