श्री एअरलाइन्सका सबै उडान स्थगित
रफत न्युज १७ असार २०८० ९:२८
काठमाडौं । श्री एअरलाइन्सका आइतबार सबै उडान स्थगित हुने भएका छन् । एअरलाइन्स प्रालिले पूर्वनिर्धारित सबै उडानहरू स्थगित गरेर विमान परीक्षण गर्ने जनाएको छ ।
एअरलाइन्सका कर्पोरेट प्रबन्धक अनिल मानन्धरले शनिबारर जारी गरेको प्रेस नोटअनुसार सबै उडान स्थगित गरी आइतबार दिनभर कम्पनीका सबै विमानको प्राविधिक परीक्षण गर्ने निर्णय भएको छ ।
सोमबारदेखि भने सबै उडान नियमित रूपमा सञ्चालन हुनेछन् । शनिबार काठमाडौंबाट धनगढीका लागि दिउँसो ३ः३० बजे उडेको विमानमा प्राविधिक समस्या आएको थियो । जसकारण धनगढी उडेको सो विमान पुनः काठमाडौं फर्केको थियो ।
प्रतिक्रिया
