जर्मनीका फरवार्ड हाभर्ट्ज आर्सनलमा
रफत न्युज १४ असार २०८० ८:२०
काठमाडौं । प्रिमियर लिग क्लब आर्सनलले जर्मनीका फरवार्ड काइ हाभर्ट्जलाई अनुबन्ध गरेको छ ।
आर्सनलले हाभर्ट्जलाई अर्को प्रिमियर लिग क्लब चेल्सीबाट अनुबन्ध गरेको हो ।
आर्सनलले हाभर्ट्जलाई ६५ मिलियन पाउन्डमा अनुबन्ध गरेको हो ।
हाभर्ट्जले आर्सनलसँग पाँच वर्षको सम्झौता गरेका छन् ।
२४ वर्षीय हाभर्ट्ज २०२० मा जर्मन क्लब बायर लिभरकुसेनबाट चेल्सी आएका थिए ।
चेल्सीका लागि उनले गत सिजन ४७ खेलमा ९ गोल गरेका थिए ।
हाभर्ट्जले २०२१ को च्याम्पियन्स लिग फाइनलमा म्यानचेस्टर सिटीविरुद्ध विजयी गोल गरेका थिए ।
जर्मनीका लागि उनले ३७ खेलमा १३ गोल गरिसकेका छन् । एजेन्सी
प्रतिक्रिया
