कोभासिच सिटीमा अनुबन्धित
रफत न्युज १३ असार २०८० ७:५३
काठमाडौं । इंग्लिस प्रिमियर लिग च्याम्पियन म्यानचेस्टर सिटीले मिडफिल्डर माटेओ कोभासिचलाई अनुबन्ध गरेको छ।
सिटीले क्रोएसियाका मिडफिल्डर कोभासिचलाई चेल्सीबाट अनुबन्ध गरेको हो ।
सिटीले कोभासिचलाई २५ मिलियन पाउण्डमा क्लबमा भित्र्याएको हो ।
२९ वर्षीय मिडफिल्डरले सिटीसँग चार वर्षको सम्झौता गरेका छन् ।
सिटीमा कोभासिचले ८ नम्बरको जर्सी लगाउने छन् ।
गत सिजन ट्रेबल उपाधि जितेको सिटीले यस समरमा पहिलो खेलाडीको रुपमा कोभासिचलाई अनुबन्ध गरेको हो ।
कोभासिच २०१८ मा रियल म्यड्रिडबाट चेल्सी आएका थिए ।
गत सिजन उनले चेल्सीका लागि ३७ खेल खेलेका थिए ।
कोभासिचले चेल्सीका लागि २०२१ मा च्याम्पियन्स लिग जितेका थिए ।
कोभासिचले क्रोएसियाका लागि ९५ खेल खेलेका छन् । एजेन्सी
प्रतिक्रिया
