हुण्डी कारोबार गर्ने एक व्यक्ति पक्राउ
काठमाडौं । जिल्ला पर्सा वीरगञ्ज महानगरपालिका वडा नं १६ स्थित सडकखण्डबाट एक जना हुण्डी कारोबार गर्ने व्यक्ति पक्राउ परेका छन् । प्रहरी चौकी ईनर्वाबाट खटिएको चेकीङ टोलीले भारतको रक्सौलबाट वीरगञ्जतर्फ ना २८ प ९००८ नम्बरको मोटरसाईकल खानतलासी गर्दा अवैध रकम सहित सुनिलकुमार साह पक्राउ परेको प्रहरीले बताएको छ ।
जिल्ला बारा प्रसौनी गाउँपालिका वडा नं २ बस्ने वर्ष ३३ को सुनिल कुमार साहले लगाएको हेलमेटभित्र स्रोत नखुलेको १००० दरका नोट ८०० थान गरी नेपाली आठ लाख फेला परेको प्रहरीले बताएको छ । साहलाई बैंक तथा वित्तीय संस्था सम्बन्धी ऐन, २०७३ बवरूद्धको कसूरमा असार ८ गते पर्सा जिल्ला अदालतबाट पाँच म्याद थप अनुमति लिई थप अनुसन्धान तथा कारवाही भैरहेको समेत प्रहरीले जनाएको छ।
प्रतिक्रिया