गाडी दुर्घटनामा स्याङ्जाका पूर्व मेयरको मृत्यु
रफत न्युज २ असार २०८० १३:२६
वालिङ । स्याङ्जाको चापाकोट नगरपालिकाका पूर्व मेयर शिवकुमार गिरीको सवारी दुर्घटनामा परी मृत्यु भएको छ ।
शुक्रबार राती पुतली बजार राङ खोलाबाट स्याङ्जा बजार जाँदै गरेको १५ च १७०९ नम्बरको स्कारपियो दुर्घटना हुँदा पूर्व मेयर गिरीको मृत्यु भएको हो ।
गम्भीर घाइते गिरीको उपचारको क्रममा मृत्यु भएको जिल्ला प्रहरी कार्यालय स्याङ्जाका सूचना अधिकारी रवीन्द्र खनालले जानकारी दिए । नेपाली काँग्रेसका महाधिवेशन प्रतिनिधि गिरी स्थानीय तह निर्वाचन २०७४ मा चापकोट नगरपालिकाको मेयरमा नेपाली काँग्रेस बाट निर्वाचित भएका थिए ।
प्रहरीले सवारी चालक सुरज नेपालीलाई नियन्त्रणमा लिएर अनुसन्धान गरी रहेको छ ।
प्रतिक्रिया
