काठमाडौं । जनकपुरधाम उपमहानगरपालिकाले गर्मी बढेपछि नगरका विद्यालयहरूमा आठ दिन बिदा दिएको छ । तराई मधेशमा विगत तीन दिनदेखि गर्मी बढेपछि उपमहानगरपालिकाले नगर मातहतका सामुदायिक तथा संस्थागत विद्यालयमा आठ दिनका लागि बिदा दिने निर्णय गरेको हो ।

उपमहानगरपालिकाको बिहीबार बसेको बैठकले अत्यधिक गर्मीका कारण स्वास्थ्यमा पर्न सक्ने प्रतिकूल असरलाई दृष्टिगत गरी जेठ १९ गतेदेखि २६ गतेसम्म सामुदायिक तथा संस्थागत विद्यालयमा आकस्मिक गर्मी बिदा दिने निर्णय गरेको हो ।