मुगुमा ट्याक्टर दुर्घटना हुँदा दुई जनाको मृत्यु
रफत न्युज १५ जेठ २०८० ११:५०
काठमाडौं । मुगुमा ट्याक्टर दुर्घटना हुँदा दुई जनाको मृत्यु भएको छ ।
छायाँनाथ रारा नगरपालिका–१४ बाम भन्ने स्थानमा आइतबार राती ट्याक्टर दुर्घटना हुँदा दुई जनाको घटनास्थलमै मृत्यु भएको हो ।
गमगढी बजारबाट खानेपानीको पाइप बोकेर बाम जाँदै गरेको ट्याक्टर सडकबाट झण्डै ५० मिटर तल खसेको स्थानीयले बताएका छन् ।
मृत्यु हुनेमा ३० वर्षीय चालक काशिलाल बडुवाल र २० वर्षीय सहचालक शिव बडुवाल रहेका छन् ।
राति भएको दुर्घटनाबारे बिहानै मात्र थाहा भएको हो । दुर्घटनाबारे थप अनुसन्धान भइरहेको जिल्ला प्रहरी कार्यालय मुगुले जनाएको छ ।
प्रतिक्रिया
