काठमाडौं ।  भारतमा विकसित न्यूनचापीय प्रणाली र पश्चिमी न्यूनचापीय प्रणाली सक्रिय हुने भएकाले भोलिदेखि देशको पूर्वी भागबाट वर्षा सुरु हुने मौसमविद्ले बताएका छन् ।

मौसमविद डेविड ढकालका अनुसार भोलि पूर्वको केही ठाउँमा हल्का पानी पर्ने सम्भावना छ । पर्सि चैत २७ गते भोलि मंगलबारभन्दा अलि धेरै वर्षा हुने अनुमान छ । पर्सिदेखि वर्षा गराउने प्रणाली सक्रिय भएर देशका धेरै ठाउँमा वर्षाको सम्भावना छ । काठमाडौं उपत्यकामा भोलि र पर्सि हल्कादेखि छिटपुट वर्षा हुने र आउँदो बिहीबार र शुक्रबार मध्यम वर्षा भएर प्रदूषण घट्न सक्ने मौसमविद् ढकालको भनाइ छ ।