प्रधानमन्त्री ओली थाइल्यान्ड प्रस्थान
रफत न्युज १९ चैत २०८१ १४:२९
काठमाडौं । प्रधानमन्त्री केपी शर्मा ओली थाइल्यान्डको बैंकक प्रस्थान गरेका छन् । औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)को छैटौं शिखर सम्मेलनमा सहभागी हुन प्रधानमन्त्री बैंकक प्रस्थान गरेका हुन् ।
प्रधानमन्त्री ओली थाइल्यान्डका प्रधानमन्त्री फेथोङथान सिनावातको मैत्रीपूर्ण निमन्त्रणामा थाइल्यान्ड गएका हुन् । प्रधानमन्त्रीको हैसियतमा थाइल्यान्ड भ्रमण गर्ने ओली पहिलो व्यक्ति हो। प्रधानमन्त्री ओली २३ चैतमा स्वदेश फर्किने छन् ।
प्रतिक्रिया
