काठमाडौं ।  दुर्गा प्रसाईं सम्पर्कविहीन (अन्डरग्राउन्ड) भएका छन् । उनलाई पक्राउ गर्न भक्तपुरस्थित घरमा खोजी गर्दा प्रहरीले फेला पार्न नसकेको बताइएको छ । उपत्यका प्रहरी कार्यालय र जिल्ला प्रहरी परिसर काठमाडौंको टोली उनको खोजीमा जुटिरहेको छ ।

प्रहरी अधिकारीहरूका अनुसार प्रसाईंको खोजी तीव्र बनाइएको छ। शुक्रबार प्रदर्शनमा उत्रिएका राजावादी प्रदर्शनकारीहरूले तीनकुनेमा अराजकता मच्चाएपछि सरकारले प्रसाईलाई पक्राउ गर्न निर्देशन दिएको हो ।

उनले केहीबेर अघि सामाजिक सञ्जालबाट चुनौती दिँदै “जहाँ बोलाउछौँ त्यहीँ आउँछुँ” भनेका थिए । उनले भनेका थिए, “मलाई पक्राउ गर्न प्रहरी आइरहन पर्दैन, जहाँ बोलाउछौ त्यहीँ आउँछुँ । अब म थुनिएर आन्दोलन रोकिँदैन किन कि दुर्गा अब व्यक्ति हैन बिचार हो, अभियान हो ।” (तस्बिरः फाइल)