काठमाडौंको तीनकुनेमा लगाइएको कर्फ्यु थप क्षेत्रमा विस्तार
रफत न्युज १५ चैत २०८१ १७:५४
काठमाडौं । काठमाडौंको तीनकुने क्षेत्रमा स्थानीय प्रशासनले कर्फ्यू लगाएको छ । जिल्ला प्रशासन कार्यालय काठमाडौंका प्रवक्ता अशोककुमार भण्डारीले आज (शुक्रबार) दिउँसो ४ बजेबाट राति १० बजेसम्मका लागि सो क्षेत्रमा कर्फ्यु आदेश जारी गरिएको जानकारी दिए । ।
प्रशासनले काठमाडौंको गौशालादेखि एअरपोर्ट, गैरीधारा तीनकुने हुँदै कोटेश्वरसम्म र कोटेश्वरदेखि जडिबुटीपुलसम्म कर्फ्युको क्षेत्र निर्धारण गरेको छ । यसैगरी, कोटेश्वरबाट बालकुमारी पुलसम्म र बानेश्वर चोकदेखि शंखमूल चोकसम्म पनि कर्फ्यु लागेको छ । साथै गौशाला चोकदेखि पुरानो बानेश्वरहुँदै नयाँ बानेश्वर चोकसम्म पनि स्थानीय प्रशासनले कर्फ्यु लगाउने आदेश दिएको छ।
प्रतिक्रिया
