राजावादीले एक लाख ल्याए हामी एक करोडौं ल्याउँछौं प्रचण्ड
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आफूहरू जनताको विशाल समर्थन लिएर आउने बताएका छन्। काठमाडौँको भृकुटीमण्डपमा आयोजित समाजवादी मोर्चाको सभालाई सम्बोधन गर्दै उनले गुण्डागर्दीलाई छुट नभएको बताए। ुमाओवादीके जनयुद्धको कमाण्डरको हैसियतले अहिले शान्तिपूर्ण क्रान्ति जरुरी छ,ु उनले भने, “उनीहरूले एक लाख ल्याए एक करोड ल्याएर सडकबाटै जवाफ दिन्छौँ।”

वंशको शासन फर्काउनेले ठूलो मूल्य चुकाउनुपर्छः नेपाल

नेकपा ९एकीकृत समाजवादीका अध्यक्ष माधवकुमार नेपालले देशमा वंशको शासन फर्काउन खोज्नेहरुले ठूलो मूल्य चुकाउनुपर्ने बताएका छन्।
शुक्रबार काठमाडौंको भृकुटीमण्डपमा समाजवादी मोर्चाले आयोजना गरेको जनसभालाई सम्बोधन गर्दै उनले सार्वभौमसत्ता सम्पन्न नेपाली जनताले फेरि राजतन्त्र स्वीकार नगर्ने बताए। २४० वर्षको शाह वंशको शासन र १०४ वर्षको राणा शासनले नेपाली जनतालाई दास बनाएको भन्दै उनले अब नेपाली जनताले कसैको दासता स्वीकार नगर्ने बताए। उनले शाह वंशले देशलाई बर्बाद बनाएको बताए।

राजावादीहरुले कोटेश्वर भाटभटेनीमा पनि गरे आगजनी

तीनकुनेबाट लखेटिएका राजावादीहरुले कोटेश्वर भाटभटेनीमा पनि आगजनी र तोडफोड गरेका छन् ।

तीनकुनेमा भएको घटना केवल सुरुवात : रविन्द्र मिश्र

राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्रले तीनकुनेमा भएको घटना केवल सुरुवात मात्र भएको बताएका छन्। सञ्चारकर्मीहरूसँग कुरा गर्दै उनले व्यवस्था परिवर्तनका लागि हुने आन्दोलनहरु कुनै नेताको नियन्त्रणमा नहुने भन्दै यो सुरुवात मात्र भएको चेतावनी दिएका छन् । उनले आजको आन्दोलनमा भएको क्षतिमा प्रश्न गर्नेहरुले अघिल्ला आन्दोलनहरु कति शान्तिपूर्ण थिए भन्दै प्रतिप्रश्नसमेत गरेका छन् । उनले भने, ‘व्यवस्था परिवर्तनका आन्दोलनहरू कुनै नेताको नियन्त्रणमा रहन्छन् र ? अघिल्ला आन्दोलनहरूमा धनजनको क्षति भएको थिएन ?’