काठमाडौं ।  तीनकुने क्षेत्रमा हिंसात्मक गतिविधि बढेपछि केही बेरपछि कर्फ्यु लगाउने तयारी गरेको छ । यससम्बन्धमा प्रहरीले अहिले माइकिङ गरेर जानकारी दिएको छ । यसैबीच, राजतन्त्रको पक्षमा उत्रिएका प्रदर्शनकारीहरूले तीनकुने नजिकै रहेको नेकपा एकीकृत समाजवादी पार्टी कर्यालयमा तोडफोड गर्दै पार्टी कार्यालयभित्रै छिरेका छन्।
कार्यालयभित्र छिरेर उनीहरूले भित्रका सामानहरू बाहिर फालेका छन्। साथै उनीहरूले कार्यालय अगाडि आगजनी गरेका छन्। उग्र बन्दै गएका राजावादीहरूले तीनकुनेस्थित कान्तिपुरटिभीको कार्यालयमा ढुंगा प्रहार गरेका छन् । ढुंगा प्रहारपछि कान्तिपुर टिभीका पत्रकारहरू तितर वितर भएका थिए ।