काठमाडौं । काठमाडौंको तीनकुनेमा प्रदर्शनकारीले सुरक्षाकर्मीको बोकेको बन्दुक खोसेका छन् । राजावादी प्रदर्शन उग्र बनेपछि भीड नियन्त्रणमा लिन प्रहरीले हवाई फायर र अश्रुग्यास प्रहार गरेको छ । प्रदर्शन र सभा बिथोलिएको केहीबेरमा तीनकुनेस्थित एक घरमा आगजनी भएको छ । आगो निभाउन पुगेको एम्बुलेन्समाथि समेत प्रदर्शनकारीले ढुंगामुढा गरेका छन् । प्रदर्शनका क्रममा उनीहरूले व्यक्तिको घर तोडफोड गर्नुका साथै आगजनी गरेका छन् । त्यति मात्र नभएर उनीहरूले व्यक्तिका घर भित्र पसेर सामानहरू बाहिर ल्याएर आगजनीसमेत गरेका छन् । ​नेपालको झण्डा बोकेका एक युवकले बन्दुक बोकेको फोटो सोसल मिडियामा आइरहेको छ। साथै प्रदर्शनकारीले केही ट्याक्सीमा पनि तोडफोड गरेका छन्।