काठमाडौं  ।  डिजिटल बैंकिङ र मोबाइल वालेट सेवाहरूले वित्तीय कारोबारलाई सहज र छिटो बनाइरहेका छन्। यद्यपि, यी सेवाहरू प्रयोग गर्दा सुरक्षा सतर्कता नअपनाउँदा ठूलो जोखिम निम्तिन सक्छ।

विशेषज्ञहरूले चेतावनी दिएका छन् कि मोबाइल नम्बर वा इमेल परिवर्तन हुँदा बैंक तथा वित्तीय संस्थालाई तत्काल जानकारी गराउनु अत्यावश्यक छ। नेपाल राष्ट्र बैंकका अनुसार, बैंक तथा वित्तीय संस्थाले ग्राहकलाई प्रदान गर्ने मोबाइल बैंकिङ, इन्टरनेट बैंकिङ र भुक्तानी सेवाहरू ग्राहकले दर्ता गराएको मोबाइल नम्बर वा इमेलसँग आबद्ध गरिएका हुन्छन्। यसै कारणले गर्दा खातासम्बन्धी गोप्य जानकारी पनि यिनै माध्यमबाट ग्राहकसम्म पुग्छ।

यदि मोबाइल हराइन्छ, चोरी हुन्छ वा परिवर्तन हुन्छ भने बैंकलाई तत्काल जानकारी नगरेमा अनधिकृत व्यक्तिले खातामा पहुँच प्राप्त गर्न सक्ने खतरा रहन्छ। यसरी ठूलो वित्तीय हानि हुने सम्भावना छ, जुन ग्राहकको लापरवाहीका कारण निम्तिन सक्छ।नेपाल राष्ट्र बैंकले आग्रह गरेको छ कि कुनै कारणले मोबाइल नम्बर परिवर्तन भएमा ग्राहकले यथाशीघ्र सम्बन्धित बैंक र वित्तीय संस्थालाई सूचना दिनुपर्छ।

साथै, बैंकिङ र वित्तीय सेवाको प्रयोग गर्दा ग्राहकले आफ्नो नाममा दर्ता भएको सिमकार्ड र आधिकारिक एप्लिकेसन मात्र प्रयोग गर्नुपर्ने राष्ट्र बैंकले सन्देश दिएको छ।