बायर्न जर्मन कपबाट बाहिरियो
रफत न्युज २२ चैत २०७९ ८:३०
काठमाडौं । बायर्न म्युनिख जर्मन कप फुटबलको क्वाटरफाइनलबाट बाहिरिएको छ ।
मंगलबार राति फ्रेइबर्गसँग २-१ ले पराजित हुँदै २० पटकको च्याम्पियन बायर्न बाहिरिएको हो ।
खेलमा सुरुआती अग्रता समेत बायर्नले बनाएको थियो ।
१९ औं मिनेटमा डायोट उपमिकानोले गोल गर्दै बायर्नलाई अग्रता दिलाएका थिए ।
तर, २७ औं मिनेटमा निकोलस होफ्लरले गोल गर्दै फ्रेइबर्गलाई १-१ गोलको बराबरीमा ल्याए ।
त्यसपछि खेलको ९० औं मिनेटमा लुकास होलरले पेनाल्टीमार्फत गोल गर्दै फ्रेइबर्गलाई २-१ को जित दिलाए । एजेन्सी
प्रतिक्रिया
