काठमाडौं । स्वर्गद्वारी गुठीपीडित संघर्ष समितिले विभिन्न माग राखी आजदेखि माइतीघर मण्डलामा अनिश्चितकालिन रिलेअनसन तथा धर्ना कार्यक्रम सुरु गरेको छ।

काठमाडौं गौशालास्थित पशुपति धर्मशालाबाट आज ब्यानर, प्लेकार्ड, हलो, कोदालो, ढाकीसहितको र्‍याली गौशाला, रातोपुलकरिडोर हुँदै सेतोपुल, बिजुलीबजार हुँदै माइतीघर मण्डला पुगेर धर्नामा बसेको हो।

मोही किसान भने मोहीपूर्जाको प्रमाण बोकेर न्याय मागिरहेका उनीहरुले धर्नाको समय अनिश्चित रहेको जनाएका छन् ।

स्वर्गद्वारी आश्रमको जग्गामा द्वैध स्वामित्व कायम रहेको र सर्वोच्च अदालतले स्वर्गद्वारी गुठी विशेष प्रकृतिको निजी गुठी भएका कारण आश्रमको जग्गा खण्डीकरण गर्न नमिल्ने आदेश गरेको छ ।