रियललाई हराउँदै सिटी फाइनलमा
काठमाडौं । इंग्लिस क्लब म्यानचेस्टर सिटी च्याम्पियन्स लिग फुटबलको फाइनलमा प्रवेश गरेको छ ।
सेमिफाइनलको दोस्रो लेगमा बुधबार राति रियल मड्रिडलाई ४-० ले हराउँदै समग्रमा ५-१ को जितसहित सिटी फाइनल पुगेको हो ।
सिटी र रियलबीचको पहिलो लेगमा १-१ गोलको बराबरीमा सकिएको थियो ।
दोस्रो लेगमा रियललाई जित दिलाउन बेर्नार्डो सिल्भाले दुई गोल गरे ।
म्यानुएल एकान्जी र जुलियन अल्भारेजले एक एक गोल थपे ।
खेलको २३ औं मिनेटमा सिल्भाले गोल गर्दै सिटीलाई सुरुआती अग्रता दिलाएका थिए ।
३७ औं मिनेटमा सिल्भाले व्यक्तिगत दोस्रो गोल गर्दै टोलीको अग्रता दोब्बर बनाए ।
खेलको ७६ औं मिनेटमा एकान्जीले गोल गर्दा सिटी ३-० ले अघि रह्यो ।
त्यसपछि खेलको इन्जुरी समयमा अल्भारेजले गोल गर्दै सिटीलाई ४-० को जित दिलाए ।
अब सिटीले उपाधिका लागि इटालियन क्लब इन्टर मिलानको सामना गर्नेछ ।
इस्तानबुलमा हुने फाइनल खेल जुन १० मा हुनेछ । एजेन्सी
