काठमाडौं ।  जेसीबीको ठक्करबाट काठमाडौंमा शुक्रबार एक जनाको मृत्यु भएको छ। नागार्जुन नगरपालिका ६ ह्वाईट गुम्बा नजिकै सडकमा बा २ क ६०८८ नम्बरको जेसीबीको ठक्करबाट सोही नगरपालिका ६ बस्ने पञ्चकुमारी तामाङकी छोरी ११ वर्षीया अनुशा तामाङको शुक्रबार दिउँसो मृत्यु भएको हो। ठक्करबाट गम्भीर घाइते भएकी उनको त्रिवि शिक्षण अस्पताल महाराजगन्जमा उपचारको क्रममा मृत्यु भएको प्रहरीले जानकारी दिएको छ।