दक्षिण कोरियामा विमान दुर्घटना, २८ जनाको मृत्यु
रफत न्युज १४ पुष २०८१ ८:२२
काठमाडौं । दक्षिण कोरियामा विमान दुर्घटना हुँदा २८ जनाको मृत्यु भएको छ। जेजु एअरको विमान स्थानीय समयअनुसार ९ बजेर ७ मिनेटमा दुर्घटनाग्रस्त भएको हो। विमान थाइल्याण्डको बैंककबाट १७५ यात्रु र ६ चालक दलका सदस्य जेजु एअरको विमान फर्किएको थियो। मुआन अन्तर्राष्ट्रिय विमानस्थलमा अवतरण गर्ने क्रममा धावनमार्गबाट चिप्लिएर बारमा ठोक्किएको हो।
अवतरण गर्ने क्रममा विमानको ल्यान्डिङ गियर खराब भएको सञ्चारमाध्यमले जनाएको छ । त्यसपछि विमान विमानस्थलको बारमा ठोक्किएको थियो। त्यसपछि विमानमा आगो लागेको थियो। उद्धार कार्य अझै जारी रहेको बताइएको छ। अहिलेसम्म दुईजनालाई जीवितै उद्धार गरिएको रोयटर्सले जनाएको छ।
प्रतिक्रिया
