पोखराविरुद्ध सुदूरपश्चिमको रोमाञ्चक जित
काठमाडौं । सुदूरपश्चिम रोयल्स नेपाल प्रिमियर लिग (एनपीएल) टी–२० क्रिकेटको क्वालिफायरमा पुगेको छ । एनपीएल को २७औं खेलमा सुदूरपश्चिमले सानदार जित हात पार्यो । पोखरालाई ५ रनले हराउँलै सुदूरपश्चिमल जित हात पारेको हो । टीयू क्रिकेट मैदानमा सुदूरपश्चिमले दिएको १५४ रन पछ्याएको पोखराले २ बल बाँकी रहदै अल आउट भयो ।
पोखराकालागि रेमन रिफर र किरण ठगुन्नाको उत्कृष्ट साझेदारी रह्यो । उनीहरुले ६४ रन जोडे । रेमनले २ चौका र २ छक्काको मद्धतमा २८ बलमा ३३ रन जोडे भने किरणले ३ चौका र १ छक्काको मद्दतमा ३२ रन जोडे । यस्तै एन्ड्रिस गौसले ३६ रन जोडे । उनले २१ बल खेल्दा २ छक्का र ४ चौका हाने । दिनेश खरेलले १२ बलमा १३ रन, जेन मलिकले १५ बलमा १० रन जोडे । सुदुरपश्चिमकालागि स्कट कुग्गेलिजन ४ विकेट लिए भने हरमितले २ विकेट लिए ।
यस अघि टस हारेर पहिले ब्याटिङ गरेको सुदूरपश्चिमले निर्धारित २० ओभरमा ७ विकेट गुमाएर १५३ रन बनायो । सुदूरका लागि आरिफ शेखले अविजित ४२ रन, ब्राण्डन म्याकमुलेनले ३४ तथा कप्तान दीपेन्द्र सिंह ऐरीले २० रन जोडे । बलिङमा पोखराका कप्तान कुशल भुर्तेलले २ विकेट लिए ।
