काठमाडौं । सुनको मूल्य घट्ने क्रम जारी छ । आज सुन प्रति तोला तीन सय रुपैयाँले घटेको छ । सुन तोलाको एक लाख ४९ हजार तीन सय रुपैयाँमा आज कारोबार भइरहेको नेपाल सुनचाँदी व्यवसायी महासङ्घले जनाएको छ ।

सरकारले सुनको भन्सार दर घटाएसँगै घट्न थालेको सुनको मूल्य हिजो भने सामान्य बढेको थियो । हिजो सुनको मूल्य नौ सयले बढेर तोलाको एक लाख ४९ हजार ६ सय रुपैयाँ पुगेको थियो । त्यस्तै आज चाँदीको मूल्य पनि घटेको छ । आज चाँदीमा प्रति तोला ३० रुपैयाँले घटेर एक हजार आठ सय रुपैयाँ कायम भएको महासङ्घले जनाएको छ ।